+7 (777) 001 44
99
Хорватия құрамасы 2026 жылғы әлем чемпионатының L тобындағы екінші тур аясында өткен матчте Панамадан басым түсті, деп хабарлайды Tengri Sport.
Командалар Торонтодағы стадионда ойнады. Хорватия құрамасының шабуылшысы Анте Будимир 54-минутта қарсылас қақпасын дәл көздеп, матчтегі жалғыз голдың авторы атанды.
Instagram-дағы бұл жарияланымды көру
Хорваттардың 40 жастағы жартылай қорғаушысы Лука Модрич ұлттық құрама сапындағы 200-ші матчын өткізді. Осылайша, Модрич футбол тарихында құрама сапында 200 ойын межесіне жеткен төртінші ойыншы болды.
Instagram-дағы бұл жарияланымды көру
Құрама сапындағы матчтер саны бойынша рекордшы - Португалия ұлттық командасы үшін 230 ойын өткізген шабуылшы Криштиану Роналду. Екінші орында Кувейт құрамасының форварды Бадер Аль-Мутава (202) тұрса, үшінші сатыға аргентиналық Лионель Месси (201) жайғасқан.
Хорватия құрамасындағы 200 матчта Модрич 29 гол соғып, 31 нәтижелі пас берді. Ол ұлттық құрамамен бірге 2018 жылғы әлем чемпионатының күміс жүлдегері және 2022 жылғы әлем біріншілігінің қола жүлдегері атанды.
Панама құрамасы ӘЧ-2026 турнирінің 1/16 финалына шығу мүмкіндігінен айырылды. Бұған дейін Панама Гана құрамасынан 0:1 есебімен жеңілген болатын. Осылайша, Панама бұған дейін жарысты жалғастырудан үмітін үзген Гаити, Түркия, Тунис және Иордания құрамаларының қатарына қосылды.
2026 жылғы әлем чемпионаты 11 маусым мен 19 шілде аралығында АҚШ, Канада және Мексикада өтіп жатыр. Қазіргі әлем чемпионы - Аргентина құрамасы.
