Криштиану Роналду Англияда жаңа жұмыс тапты: мән-жайы

БАҚ мәліметінше, Криштиану Роналду британ футболы туралы ірі драмалық сериалдың продюсері болып, басты рөлді сомдайды.

"Сериалды Роналду мен танымал режиссер Мэттью Вон бірлесіп басқаратын жаңа UR Marv Studios студиясы түсіреді", - деп хабарлады басылым.

Сериал футбол агенті Стэнли Далтонның өміріне арналады, оның рөлін Дэмиан Льюис ойнайды. Түсірілім жұмыстары Лондонның солтүстігінде басталып кетті.

Криштиану Роналдудан бөлек, сериалға "Арсенал" мен Франция құрамасының аңыз ойыншысы Тьерри Анри де қатысатыны айтылады.

Роналду – футбол тарихындағы ең үздік сұрмерген

Еске сала кетейік, 41 жастағы Криштиану Роналду көптеген футболшы мансабын аяқтайтын жасқа келсе де, жоғары деңгейде өнер көрсетуді жалғастырып келеді.

Португалия құрамасы сапында ол 2026 жылғы Әлем чемпионатында үш гол соғып, 1/8 финалға дейін жетті. Ол кезеңде португалиялықтар болашақ чемпиондар – Испания құрамасына жол берді.

Испаниялық "Реал", ағылшындық "Манчестер Юнайтед" және италиялық "Ювентус" клубтарының бұрынғы шабуылшысы кейінгі бірнеше жылда Сауд Арабиясының "әл-Наср" командасында ойнап жүр. Криштиану бұл елге ауысқан соң 900 голдық тарихи белесті бағындырды, ал қазір оның еншісінде 976 гол бар – бұл әлемдік футбол тарихындағы абсолют рекорд.

Өз мансабында Роналду Чемпиондар лигасын, Испания, Италия, Англия, Португалия және Сауд Арабиясы чемпионаттарын, сондай-ақ Ұлттар лигасы мен Португалия құрамасымен Еуропа чемпионатын жеңді. Роналду бағындыра алмаған жалғыз белес – Әлем кубогі.

ӘЧ-26: Португалияның жеңілісінен кейін Криштиану Роналду көз жасына ерік берді

“Үнемі жылай береді“: UFC аңызы Криштиану Роналду туралы пікір білдірді

Италиядағы жанжал: аңызға айналған Пирло күтпеген себеппен бапкерлік қызметінен айырылды

Еуропа елінің президенті басқа жұмыс істеп жүріп көзге түсті: не болған?