Криштиану Роналду үйленеді: БАҚ өтетін күні мен орнын атады

Фото: depositphotos.com

Әлемге әйгілі португалиялық футболшы Криштиану Роналду осы аптада модель Джорджина Родригеспен ресми түрде некесін қиюы мүмкін. Рәсім шабуылшының балалық шағы өткен аралда болатыны айтылды, деп хабарлайды Tengri Sport тілшісі The Sun мәліметіне сілтеме жасап.

Ұлыбританиялық басылымға Роналду өскен Мадейра аралында 8 тамызға үлкен салтанатты шара жоспарланғаны белгілі болған.

"Фуншалда (Мадейрадағы қала) өскен 41 жастағы португалиялық футболшы Роналду мен 32 жастағы модель Джорджина қонақтарды қабылдау үшін жақын маңдағы бес жұлдызды Savoy Palace қонақүйін брондағаны хабарланды. Дереккөздің айтуынша: "Қонақүй келушілеріне жұма және сенбі күндері екі қабат, сондай-ақ бірнеше бар аймағы жабық болатыны ескертілген", - деп жазады басылым.

Айта кетейік, үйлену тойының күні ресми түрде әлі жарияланған жоқ. Өткен аптада әлеуметтік желілерде салтанатты шара 1 тамызда өтетіні туралы хабарламалар пайда болды, бірақ үйлену тойы өткені туралы әлі ешқандай расталған дерек жоқ.

Криштиану мен Джорджина - махаббат хикаясы

Жұлдызды футболшы мен испаниялық модельдің қарым-қатынасына шамамен 10 жыл болды. Осы уақыт ішінде жұптың екі баласы дүниеге келді, ал тағы үшеуін суррогат ана өмірге әкелген.

Роналду мен Родригестің балалары

Кіші Криштиану Роналду (2010 ж.т.) – үлкен ұлы, суррогат анадан туған.
Ева Мария мен Матео (2017 ж.т., егіздер) – суррогат анадан туған.
Алана Мартина (2017 ж.т.) – Роналду мен Джорджинаның қызы.
Белла Эсмеральда (2022 ж.т.) – Роналду мен Джорджинаның кенже қызы.

Ең танымал нұсқа бойынша, Криштиану Роналду мен Джорджина Родригестің махаббат хикаясы 2016 жылы Мадридте, Джорджина сатушы болып жұмыс істеген Gucci бутигінде басталған.

Instagram-дағы бұл жарияланымды көру

Georgina Rodríguez (@georginagio) жариялаған жазба

Кейінірек модельдің досы Пабло Бу жұптың шын мәнінде Opium түнгі клубында танысқанын, ал бутик туралы нұсқаның жай ғана әдемі ертегі екенін мәлімдеді.

2017 жылы жұп өз қарым-қатынастарын ресми түрде растады, содан бері олардың одағы спорт пен шоу-бизнес әлеміндегі ең елеулі оқиғалардың біріне айналды.

2025 жылдың тамызында Джорджина өзінің әлеуметтік желілерінде өте қымбат сақина таққан суретін жариялап, үйленуге ұсыныс алғаны туралы айтты.

Instagram-дағы бұл жарияланымды көру

Georgina Rodríguez (@georginagio) жариялаған жазба

Кейінірек Роналду да үйлену тойы болатынын растады, бірақ бұл тек футболдан әлем чемпионаты аяқталғаннан кейін ғана жүзеге асатынын баса айтты. Ол бұл додадан кубокпен оралуды жоспарлаған еді.

Нәтижесінде Португалия құрамасы 1/8 финал сатысында-ақ жарыстан шығып қалды - олар болашақ чемпион Испаниядан жеңілді. Роналдуның өзі үш голмен көзге түсті, оның ішінде 1/16 финалда Хорватиямен болған ойында жеңіс голын соқты.