+7 (777) 001 44
99
Танымал футбол инсайдері әлеуметтік желідегі парақшасында мадридтік "Реал" "Манчестер Сити" басшылығына испаниялық жұлдызды футболшы, "Алтын доп" иегері Родридің трансфері бойынша алғаш рет жүгінгенін хабарлады.
Романоның айтуынша, "корольдік клуб" испаниялық хавбек үшін 50 миллион еуро (27 миллиард теңге) төлеуге дайын.
Сондай-ақ инсайдер келіссөз клубтар арасындағы ауызша талқылаудан басталғанын және мадридтік клуб президенті Флорентино Перестің бұл мәмілеге келісім бергенін айтты.
🚨⚪️ "Реал Мадрид" Родри бойынша "Манчестер Ситиге" алғаш рет ұсыныс тастады.
— Fabrizio Romano (@FabrizioRomano) July 29, 2026
Келіссөздер клубтар арасындағы ауызша талқылаулардан басталды.
Бірнеше айға созылған үзілістен кейін Флорентино Перес мәмілеге рұқсатын берді.
"Реал" 50 миллион еуродан астам қаражат жұмсауға дайын екенін білдірді.pic.twitter.com/mf8HNldbcZ
Родри ӘЧ-2026 үздік ойыншысы атанды
Испания құрамасы финалда Аргентинаны жеңгеннен кейін, "қызыл фурия" капитаны Родри турнирдің үздік футболшысы жүлдесін иеленді.
"Манчестер Ситидің" тірек жартылай қорғаушысы Испания құрамасының нағыз дирижері болды. Ол 8 матчке қатысып, алаңда 726 минут өткізді, бір ӘЧ-дегі дәл пастар саны бойынша рекорд орнатты (дәлдік көрсеткіші - 94 пайыз) және алаң ортасында сенімді ойын көрсетті (65 жеңісті тартыс, 13 допты сәтті тартып алу, 10 тосқауыл қою).
Испания бүкіл турнир барысында небәрі бір гол жіберіп алды, қорғаныс шебінің мықтылығына Родридің қосқан үлесі орасан зор.
Родри adidas "Алтын добын" иеленді 🏆@adidasfootball pic.twitter.com/duxTkrH5Bd
— FIFA World Cup (@FIFAWorldCup) 20 шілде, 2026 жыл
Аргентина президенті ӘЧ-2026 кезінде құрамаға қарсы астыртын әрекет жасалғанын айтты
Сенсация жасаған команда ойыншысы ӘЧ-2026 үздік голы үшін жүлдені жеңіп алды
“Медитация жасаңыз немесе дұға етіңіз“: ФИФА басшысы ӘЧ сыншыларына қатаң жауап берді
