ӘЧ-2026: Қазақстанда Месси, Мбаппе және Холандтың матчтерін қайдан көруге болады?

Фото: A.Paes/m.iacobucci.tiscali.it/depositphotos.com

Маусымның 17-сіне қараған түні футболдан Әлем чемпионатында 4 матч өтеді. Алаңға турнирдің басты фавориттерінің бірі саналатын Франция құрамасы шығады, деп хабарлайды Tengri Sport.

Алғашқы болып алаңға Франция мен Сенегал құрамалары шығады. Мадридтік "Реалдың" жұлдызы Килиан Мбаппе өнер көрсететін ұлттық құрама матчі Нью-Джерсидегі (АҚШ) "Метлайф Стэдиум" стадионында өтеді.

Instagram-дағы бұл жарияланымды көру

Equipe de France de Football (@equipedefrance) жариялаған жазба

Сондай-ақ ең көп күтілетін матчтердің бірі - құрамында аңызға айналған футболшы Лионель Месси бар әлемнің қазіргі чемпиондары Аргентина құрамасының кездесуі болмақ.

"Альбиселесте" Алжир командасымен кездеседі.

Instagram-дағы бұл жарияланымды көру

CONMEBOL (@conmebol) жазбасынан

Ағылшындық "Манчестер Сити" жұлдызы, норвегиялық форвард Эрлинг Холандтың туған құрамасы қатысатын текетірес те кем түспейтін қызықты болмақ. Оның командасы Ирак құрамасымен матч өткізеді.

Instagram-дағы бұл жарияланымды көру

Herrelandslaget (@herrelandslaget) жарияланымдары

ӘЧ-ның 17 маусымдағы матчтерінің толық кестесі

Матчтер	Қазақстанда басталу уақыты
Франция - Сенегал	17 маусым 00:00
Ирак - Норвегия	17 маусым 03:00
Аргентина - Алжир	17 маусым 06:00
Австрия - Иордания	17 маусым 09:00

Instagram-дағы бұл жарияланымды көру

FIFA World Cup (@fifaworldcup) жариялаған жазба

ӘЧ-ның 17 маусымдағы матчтері: Қазақстанда қайдан көруге болады?

Ойын күнінің барлық матчтін Qazsport, сондай-ақ телеарна сайты тікелей эфирде көрсетеді.

Күннің басты матчінің тікелей трансляциясы Qazaqstan арнасында да өтеді.

ӘЧ-2026: 16 маусымда не болды?

Естеріңізге сала кетейік, 16 маусымға қараған түні ӘЧ-2026 аясында G және H топтарының матчтері өткен болатын.

Турнирдің дебютанттары – Кабо-Верде құрамасы сенсация жасап, Испания құрамасын тұралатты. Олар қарсыластарына гол соғуға мүмкіндік бермеді – есеп 0:0.

Бельгия құрамасы Мысыр командасымен 1:1 есебімен тең түсті. Голдарды мысырлық жартылай қорғаушы Имам Ашур мен бельгиялық шабуылшы Ромелу Лукаку соқты.

Сауд Арабиясы мен Уругвай арасындағы кездесу 1:1 есебімен тең аяқталды. Есепті саудтық Абдулла әл-Амри ашса, кейін Максимилиано Араухо таразы басын теңестірді.

Иран – Жаңа Зеландия матчі де тең аяқталды. Элайджа Джастың дублі мен Рамин Резаян және Мохаммад Мохебидің голдары жеңімпазды анықтауға мүмкіндік бермеді.