“Қазақ королі“ үміткерлік жекпе-жектегі жеңісінен кейін IBF рейтингінде көш бастады

Фото © Tengrinews.kz / Тұрар Қазанғапов

Қазақстандық жеңілмеген кәсіпқой боксшы Сұлтан Зауырбек екінші жартылай жеңіл салмақта Халықаралық бокс федерациясы (IBF) рейтингінде көш бастады, деп хабарлайды Tengri Sport.

Халықаралық бокс федерациясы (IBF) екінші жартылай жеңіл салмақтағы боксшылардың рейтингін жаңартты. Жаңа мәліметтерге сәйкес, қазақстандық Сұлтан Зауырбек рейтингте бірінші орынға шықты.

Екінші саты әзірге бос тұр.

Үздік үштікті пуэрто-риколық Генри Леброн түйіндейді.

Скриншот: ibf-usba-boxing.com/ratings

Сұлтан Зауырбек титулдық жекпе-жек өткізеді

Еске сала кетейік, кейінгі жекпе-жегінде қазақстандық Сұлтан Зауырбек австралиялық Джексон Ингландты айқын басымдықпен жеңді. "Қазақ королі" қарсыласын 4-раундта нокдаунға түсіргенімен, төреші Ингландқа кездесуді жалғастыруға рұқсат берді. Нәтижесінде австралиялық боксшы жекпе-жекті соңына дейін жеткізіп, төрешілердің бірауызды шешімімен жеңілді.

Instagram-дағы бұл жарияланымды көру

QAZAQ KIᑎG (@sultanzaurbek) жариялаған жазба

Бұл жеңіс Сұлтан Зауырбекті IBF титулына міндетті үміткер қылды. Енді ол IBF және WBO титулдарының иегері, мексикалық боксшы Эмануэль Наварретемен қолғап түйістіреді.