“Челси“ Сатпаевтың дебютінен кейін Франция құрамасының ойыншысын 60 миллионға сатып алды

Фото: operations@newsimages.co.uk/depositphotos.com

Лондондық "Челси" Франция құрамасының қорғаушысы Максанс Лакруаны сатып алды, деп хабарлайды Tengri Sport "Кристал Пэлас" баспасөз қызметіне сілтеме жасап.

Әлем чемпионатында үш матч өткізген 26 жастағы футболшы енді қазақстандық Дастан Сәтбаевтың командаласы атанады.

Transfermarkt порталының мәліметінше, бұл трансфер "Челсиге" 60,7 миллион еуроға түскен. Француздың бұрынғы ұжымы – лондондық "Кристал Пэлас" футболшымен қоштасып үлгерді.

Айта кетейік, Лакруамен бірге "Кристал Пэлас" халықаралық деңгейдегі алғашқы трофейін жеңіп алды – Конференция лигасында топ жарды.

Instagram-дағы бұл жарияланымды көру

Crystal Palace Football Club (@cpfc) жарияланымы

"Челси" Сәтбаевтың дебютінен кейін қорғанысын күшейтті

Еске сала кетейік, лондондық клуб сапында Қазақстан құрамасының 17 жастағы вингері Дастан Сәтбаев өнер көрсетеді. 28 шілдеде қазақстандық футболшы "Челси" сапындағы алғашқы голын соқты: Австралияда өткен "Вестерн Сидней Уондерерс" клубына қарсы жолдастық кездесудің алтыншы минутында-ақ қақпаның жоғарғы бұрышын дәл көздеп, қақпашыны қапы қалдырды.

Бұл матч 6:4 есебімен лондондық команданың пайдасына аяқталды.