Дана Уайт Конор Макгрегор UFC-ге қашан оралатынын айтты

Фото © Tengrinews.kz / Тұрар Қазанғапов; instagram.com/thenotoriousmma

UFC аралас жекпе-жек промоушенінің басшысы Дана Уайт лига жұлдызы Конор Макгрегордың октагонға қашан оралатынын айтты, деп хабарлайды Tengri Sport.

Zuffa Boxing баспасөз мәслихатында Дана Уайт UFC-дің жұлдызды файтері, ирландиялық бұрынғы қос дүркін чемпион Конор Макгрегордың қанша уақытқа қатардан шығып қалғанын айтты.

Әлемдегі ең мықты жекпе-жек лигасы президентінің сөзінше, жұлдызды спортшы бір жылдан кейін жекпе-жекке оралады.

"Конор бір жылға қатардан шығып қалды", - деді Дана Уайт.

Дана Уайт Конор Макгрегордың жарақаты туралы сұрақтардан әбден шаршаған көрінеді 😅 pic.twitter.com/ZfpnVgJeWd
— MMA Fighting (@MMAFighting)27 шілде, 2026 жыл

Конор Макгрегордың сәтсіз оралуы

Еске сала кетейік, UFC 329 турнирі аңызға айналған Конор Макгрегордың оралуын паш етуі тиіс еді, алайда жанкүйерлердің күткені мен қалауына қарамастан, жекпе-жек мерзімінен бұрын және ирландиялықтың пайдасына аяқталмады.

Кештің басты жекпе-жегінде UFC-дің аңызға айналған файтері жартылай жеңіл салмақтағы бұрынғы чемпион және BMF белбеуінің иегері Макс Холлоуэймен кездесті.

Конор секіріп тебуден бастап, октагонға құлады. Ол қайта тұрып, екі соққы жасап үлгерді де, тағы құлады.

КОНОР МАКГРЕГОР МЕН МАКС ХОЛЛОУЭЙ АРАСЫНДАҒЫ БҮКІЛ ЖЕКПЕ-ЖЕК БІР ВИДЕОДА #UFC329 pic.twitter.com/nYfYSA2kgJ
— FADE (@FadeAwayMedia) 12 шілде, 2026 жыл