Тарихта тұңғыш рет: бір елдің клубтары барлық еурокубокты жеңіп алуы мүмкін

Фото: depositphotos.com

7 мамырдан 8 мамырға қараған түні еурокубоктер финалистерінің барлығы анықталды. Тарихта тұңғыш рет әр турнирдің финалында Англия командалары ойнайды, деп хабарлайды Tengri Sport.

7 мамырдан 8 мамырға қараған түні еурокубоктер финалистерінің барлығы анықталды. Тарихта тұңғыш рет әр турнирдің финалында Англия командалары ойнайды, деп хабарлайды Tengri Sport.

Конференция лигасы, Еуропа лигасы және Чемпиондар лигасының жартылай финалдық қорытындысы бойынша үш кубок үшін де ағылшындар күресті жалғастырады.

Эмери бесінші титул үшін өткізілетін ойын

Еуропа лигасы тарихындағы ең титулды жаттықтырушы – испаниялық Унаи Эмери – осы еурокубоктегі өзінің алтыншы финалына шықты. Алдыңғы төрт финалда оның командалары жеңіске жеткен болатын.

Бұл жолы Эмери финалға ағылшындық "Астон Вилламен" бірге жетті. Оның командасы алғашқы жартылай финалда отандастары "Ноттингем Форесттен" 0:1 есебімен ұтылғанымен, қарымта матчта 4:0 есебімен ірі жеңіске жетті.

Еуропа лигасында Эмериге немістің "Фрайбургы" қарсылас атанады. Олар да португалиялық "Брагамен" болған екінші ойында камбэк жасай алды.

Конференция лигасының финалында Испания мен Англия текетіресі болады

Еуропаның маңызы жағынан үшінші клубтық трофейін испаниялық "Райо Вальекано" мен ағылшындық "Кристал Пэлас" сарапқа салады. Қос команда да өз тарихында алғаш рет еурокубок финалына шығып отыр.

Ағылшындар украиналық "Шахтерді" екі рет (3:1 және 1:2) ұтса, "Райо" француздық "Страсбурдан" екі ойында да айласын асырды.

Англия үш еурокубокты да жеңіп алуы мүмкін: мұндай жағдай бұрын болған ба?

Естеріңізге сала кетейік, бұған дейін Чемпиондар лигасының финалына лондондық "Арсенал" жолдама алған болатын. Осылайша, еурокубоктердің әрбір финалында ағылшын командасы ойнайды.

Ағылшындардың бұл жетістігі бірегей емес – 2022/2023 жылғы маусымда барлық еурокубоктердің финалында италиялықтар ойнаған болатын: Чемпиондар лигасында "Интер" "Манчестер Ситиге" қарсы, Еуропа лигасында "Рома" "Севильяға" қарсы, ал Конференция лигасында "Фиорентина" "Вест Хэмге" қарсы шықты.

Үш жыл бұрын мұндай жағдай әр турнирде финалистері болған ел үшін үлкен сәтсіздікпен аяқталды. Италияның барлық командасы шешуші кездесулерде жеңіліс тапты.

2019 жылы, еурокубоктер саны екеу болған кезде, ағылшындар финалдағы төрт орынды түгел иеленген еді – ол кезде трофейлерді "Ливерпуль" (Чемпиондар лигасы) мен "Челси" (Еуропа лигасы) иеленді.

Ағылшындарда еурокубоктер саны екеу болған маусымда тағы да барлық жүлдені иеленуге жақсы мүмкіндік болды: 2021 жылғы Чемпиондар лигасының финалында бірден үш британдық команда ойнады. Алайда "Манчестер Юнайтед" Еуропа лигасының финалында испаниялық "Вильярреалдан" ұтылып қалды.

Бұл бірегей жетістікті алғаш болып италиялықтар жүзеге асырған – 1990 жылы "Милан", "Ювентус" және "Сампдория" Чемпиондар лигасын, УЕФА кубогын және Кубок иелері кубогын жеңіп алды.

Айта кетейік, Чемпиондар лигасы, Еуропа лигасы және Конференция лигасының үшеуін де бір маусымда бір елдің клубтары әлі жеңіп көрген жоқ.

2026 жылғы еурокубок финалдары қашан өтеді

Еурокубок финалдары 20 мамырда басталады. Ыстанбұлдағы (Түркия) стадионда "Астон Вилла" мен "Фрайбург" Еуропа лигасының финалында кездеседі.

Содан кейін біз Конференция лигасы трофейінің иегерін білеміз: ол 27 мамырда Германияның Лейпциг қаласында анықталады.

2025/2026 жылғы Чемпиондар лигасының финалы 30 мамырда Венгрияның Будапешт қаласында өтеді. Онда лондондық "Арсенал" өз тарихында алғаш рет турнирде жеңіске жетуге тырысса, "Пари Сен-Жермен" өткен жылғы титулын қорғап қалуға күш салады.