Елена Рыбакинаға US Open-дегі жеңісінен кейін ерекше сыйлық табыс етілді

Фото: instagram.com/lenarybakina/depositphotos.com

Әлемнің бірінші ракеткасы Елена Рыбакина World Wrestling Entertainment (WWE) рестлинг-промоушенінің белбеуіне ие болды, деп хабарлайды Tengri Sport әлеуметтік желілерге сілтеме жасап.

Америкалық пабликтердің бірінде жарияланған видеода қазақстандық теннисшіге чемпиондық белбеу қалай табысталғаны көрсетілген.

"Бұл WWE-ден, сіздің чемпиондық белбеуіңіз", - дейді видеодағы қыз марапатты Рыбакинаға тапсырып жатып.

Айта кетейік, WWE ұйымы US Open турнирінің кез келген чемпионына мұндай белбеу бере бермейді.

Мұндай марапат Серена Уильямста (ол 2017 жылы Australian Open-дегі жеңісінен кейін алған), сондай-ақ Бьянка Андрееску (2019), Ига Швёнтек (2022), Коко Гауфф (2023) және Арина Соболенкода (2024, 2026) бар.

Instagram-дағы бұл жарияланымды көру

Popsugar (@popsugar) жарияланымы

Басқа спорт түрлеріндегі WWE белбеуі: бұл марапатқа кімдер ие болды?

Басқа спорт түрінің өкілдеріне рестлинг немесе MMA-дағыдай чемпиондық белбеулерді табыстау дәстүрі АҚШ-тың басты рестлинг-промоушенінде 2014 жылы пайда болған. Сол кезде "San Francisco Giants" бейсбол командасы үшін арнайы марапат жасау туралы шешім қабылданды.

Содан бері ұйым футболдан Чемпиондар лигасы, хоккейден Стэнли кубогі, "Формула-1" және тағы басқа ондаған жарыстағы жеңістер үшін өзінің арнайы дизайндағы белбеулерін табыстап келеді.

2014 жылы WWE-дің ерекше белбеуіне аңызға айналған баскетболшы Леброн Джеймс те ие болған еді.

Instagram-дағы бұл жарияланымды көру

👑 (@kingjames) жарияланымы

Айта кетейік, әрбір белбеу спортшыға жеке дайындалады. Елена Рыбакинаның белбеуі түсірілген сапалы сурет әзірге жоқ, бірақ онда теннисшінің есімі мен US Open-дегі жеңіс күні жазылады деп болжанып отыр.

Елена Рыбакина - әлемдегі үздік теннисші

Еске сала кетейік, Елена Рыбакина кәсіби теннистегі жолын 2016 жылы бастап, 10 жыл ішінде 14 WTA титулын жеңіп алды. Олардың ішіндегі ең маңыздылары - Уимблдон – 2022, Қорытынды турнир – 2025, Australian Open 2026 және US Open 2026 жеңістері.

US Open-дегі жеңісінен кейін Рыбакина мансабында алғаш рет әлемдік рейтингтің бірінші сатысына көтерілді. Оның беларусьтік Арина Соболенкодан басымдығы 2026 ұпай, бірақ алда жыл аяғына дейін жағдайды өзгертуі мүмкін бірнеше турнир бар.